ACTIVIDADES SAMAÍN

 Durante estas dúas últimas semanas estivemos traballando en propostas relacionados co Samaín, diferentes propostas que nos axudan a mellorar na motricidade fina, a lectoescritura, a lóxica matemática de forma divertida.

- A nosa pantasma:

A primeira actividade que fixemos relacionada con Samaín foi unha fermosa pantasma. Cada neno recortou a súa pantasma, seguiu o trazo recortando o traxe do pantasma, pegou a adiviña e escribiron a palabra PANTASMA con ceras prateadas! Desta forma traballamos o recortado, a conciencie fonolóxica para a escritura da palabra pantasma e as adiviñas.

 

- Unha ARAÑA terroríficamente fermosa: 

Para facer a tela de araña, unimos cada punto coa regra. Tivemos que estar moi concentrados para facelo porque require unha gran destreza óculo-manual. Despois decoramos cada unha das partes da tela de araña de diferentes cores. Para facer a araña, pintamos as mans de negro (iso encantounos) e para rematar eleximos uns ollos e fixemos a boquiña da araña. Soamente con ver o resultado podedes comprobar o fermosas que quedaron. Con esta actividades traballamos a coordinación óculo-manual, diferentes tipos de trazos que axudaran a mellorar a forza da man para realizar actividades que requiran maior destreza motriz.

             

Tamén fixemos churriños con plastilina e formamos a palabra araña.

- A VASOIRA da bruxa Maruxa:

Para facer as vasoiras precisamos limpapipas, abalorios variados, cartolina amarela e tesoiras.

O primeiro que fixemos foi recortar o anaco de plastilina sen chegar ao final, polo que require un gran control da man e da destreza de recortado, despois o unimos o limpapipas, seleccionamos 10 abalorios diferentes traballando así o conteo ata o número 10 e foron decorando a súa vasoira da maneira que máis lles gustaba. 

- Mesa sensorial:

Na mesa sensorial apareceu sangue de vampiro que desprendía un arrecendo a froitos vermellos, e tiñamos que descubrir bechos e ollos de sapo que estaban conxelados entre a sangue dos vampiros, para iso empregamos pipetas coas que colliamos o sangue e fixemos trasvases.  

    

- Mesa de Luz:

Na mesa de luz tiñamos unha proposta de cabazas terroríficas para completar como cada un quería.

- Lectoescritura e lóxica-matemática:

Por último fixemos a nosa propia apócema empregando diferentes ingredientes. Escribimos a palabra Apócema e completamos engadindo as cantidades e anotando en cada unha das receitas coa axuda da recta numérica.

       

     

Esta semana coñecimos un novo conto, "Una cena monstruosa".Un libro moi divertido no que 9 personaxes horripilantes reúnense para cenar nun famoso restaurante con tres estrelas negras. Descubrimos levantando cada tapa a comida elexida para cada un dos comensais, platos tan asquerosamente deliciosos como croquetas da avóa, caracois cocidos na súa baba, doce de xeado con merengue encantado... pero o mellor e cando chega o invitado sorpresa, un neno que come hamburguesa de moitos pisos, pasta XXL á boloñesa...

Limos contos con lanternas e a escuras,gustounos moito.

 Aquí tendes un vídeo con todas estas actividades. Esperamos que vos gusten. Esto é só unha pequeña mostra de todo o que traballamos na aula. 

                                      

                  Noelia