COMEZAMOS O PROXECTO: DANZAS DO MUNDO. 1º DESTINO: ÁFRICA

 Como sabedes, estivemos a investigar sobre un cadro pintado por Paul klee. 

En primeiro lugar observamos a lámina e plantexamos as nosas propias hipóteses:

- Son pantasmas

- Hai cadrados, círculos e triángulos

- Hai rectángulos

- Son persoas e nenos

- Teñen medo porque hai unha xirafa

- Non, teñen medo porque hai un perro salchicha

Coa axuda das familias e da investigación nas casas un neno aporta o título do cadro: " Bailando por medo" e comezamos a investigar un pouquiño máis seguindo as rutinas de pensamento:

1º Veo

2º Pienso

3º Me pregunto

Coñecemos un pouco máis sobre o pintor do cadro. Paul Klee descubriu dende moi pequeno que o que realmente lle gustaba era pintar e o seu soño era ser pintor. Nun viaxa a África quedou marabillado coas súas cores e foi así como descubriu a cor. 

Por ese motivo os nenos decidiron viaxar a África, porque xa coñecían algúns animais e querían seguir aprendendo máis sobre este continente que agocha tantas cousas marabillosas. 

Asi que puxémonos mans a obra, estudiamos as posibilidades de medios de transporte que poderiamos usar tendo en conta que dende Vigo a África sepáranos un Océanos. A única forma de chegar era en barco ou en avión. Despois das votación a opción elixida foi o barco. Preparamos as nosas tarxetas e os gorros de mariñeiros. O mércores 18 de novembro emprendíamos a nosa viaxe a África con toda a ilusión do mundo. Podedes ver as imaxes e o vídeo resumo da nosa viaxe. 

Porque as mochilas de vida dos nosos nenos e nenas teñen que estar cheas de experiencias vividas. Aquí temos unha delas!

OS MAGOS MÁIS FAMOSOS

Nas últimas semanas, 4 nenos/as faláronnos dos magos máis famosos de Galicia, España e do resto do mundo. 

Carmen e Daniella falaron dos diferentes tipos de mago: escapista, cartomago

E tamén daquilo que se precisa para ser mago: cartas, varita, chistera, capa ou frac, flores, panos...

Expuseron as ideas máis interesantes do Mago Teto, Inés Molina, Juan Tamaríz e Jorge Blass.

O Mago Teto é un mago moi coñecido en Galicia que mistura o humor, a maxia e o ilusionismo nos seus espectáculos.

Inés Molina, máis coñecida como Inés la Maga é cartomaga. 

Juan Tamariz: e un mago especialista na cartomaxia, ou maxia de cerca. A súa forma de facer maxia ensínase en varias universidades. 

Jorge Blass: foi alumno de Juan Tamariz, actuou con David Copperfield na súa xira por España. É cofundador da  fundación Abracadabra que trata de levar a maxia a hospitais, residencias de ancianos, discapacitados psíquicos...

Simón e Martín faláronnos da David Copperfield e Houdini e fixéronnos uns trucos de maxia. 

David Copperfield é coñecido por facer desaparecer a estatua da liberdade e o tren oriente express.

Houdini, foi un escapista moi famoso que viaxaba por todo o mundo demostrando que podía escapar de calquera lugar.

EXPOSICIÓN PÓCIMAS MÁXICAS

A semana pasada Eire e Maia, fixeron unha fantástica exposición sobre as pócimas máxicas. Explicáronnos cales eran algúns dos ingredientes que usaban as bruxas,ensináronnos o grimorio, que é un libro máxico onde as bruxas escriben as súas pócimas máxicas, e fixeron a súa propia pócima da amizade cun grito sorpresa.

SAMAÍN DE MEDO

Coincidindo coa festa do Samaín, preparamos un poema relacionado co tema. Coñecimos a obra de arte "O grito de Munch" e fixemos o noso propio pantasma. Pois chegamos a conclusión de que a persoa que aparece asustado no cadro do grito está morto de medo porque viu unha pantasma. 

Ademáis os nenos e nenas trouxeron unhas fermosas cabazas que prepararon coas súas familias, moitas delas caracterizadas cos personaxes do Mago de Oz, como o Home de Latón, a bruxa do este, a fada Glinda, Dorothy... Con esas cabazas preparouse na sala Rosalía un pasadizo de medo, que parecía un verdadeiro bosque máxico con personaxes galegos como o Lobishome, o aquelarre das meigas, mouchos, curuxas e Mouras... 

Tamén tivemos contacontos de medo na biblioteca!

EXPOSICIÓNS DO PROXECTO

Ao longo do mes de outubro comezamos coas exposición por parellas. Os primeiros en comezar foron Nóah e Mateo que falaron das bruxas e magos dos contos que coñecen, como o Mago de Oz, Brancaneves, Cincenta, a serea Ariel...

 A segunda semana de outubro foi o turno de Iván e Laia, que falaron dos diferentes tipos de bruxas, pois non todas son bruxas malas, tamén hai bruxas boas. 

Faláronnos dos seus obxectos máxicos: vasoiras para voar, os potes para facer as pócemas, os corvos...

E coincidindo coa festa do Samaín, Nuno e Xulia explicáronnos a orixe desta festa. As tradicións galegas en torno o Samaín (dar a benvida ao inverno e despedir o verán), a lenda da Santa compaña, os calacús, e algúns seres máxicos como as Xacias (sereas de auga doce que están nos ríos),  as Mouras (que son como fadas que gardan e protexen os bosques)... 

Xulia fixo unha demostración da queimada galega seguindo os pasos marcados na súa exposición. 

O fixeron xenial!

Aprendimos moitas cousas novas grazas a estas tres exposicións, grazas familias por axudarlles a 

preparalas. É importante e moi enriquecedor para eles que sexan capaces de "memorizar" pequenas informacións e transmitilas ao resto dos compañeiros/as.

PROXECTO O MAGO DE OZ

O pasado mércores 3 de outubro, Ánxeles, a directora do Seis do Nadal viu a nosa aula cunha caixa misteriosa e cunha copia da noticia que apareceu no Xornal do Seis. A noticia retaba aos nenos e nenas do centro a descubrir o gran misterio. 

Pronto comenzaron a facerse preguntas, e a ser capaces de descubrir que moitas das cousas que aparecían na caixa máxica estaban relacionados co conto do Mago de Oz: o gorro do home de latón, o traxe do espantallo, os zapatos de Dorothy, a vasoira da bruxa. 

Por outra parte, no patio descubriron unhas pegadas que parecían dalgunha ave. Alguns dos nenos e nenas de 5 anos creen que algunha gaivota foi a que deixou a caixa no patio. Outros opinan que esto non é posible porque pesa demasiado como para que a poda transportar co pico. 

O importante é que todas as súas ideas  e opinións son escoitadas, respetadas e valoradas por todos os nen@s. 

Con este vídeo de presentación das ideas comezamos co noso proxecto! Espero que vos guste o resultado!

Noelia