SAMAÍN

 Para a celebración do Samaín, preparamos nas nosas casas unha fermosas cabazas e fixemos uns portavelas dunha pantasma, pois estamos aprendendo un novo poema. Estamos comezando a investigar sobre as personaxes do castelo: bruxas, cabaleiros, pantasmas, bufóns....

PROXECTO OS CASTELOS

  A finais de Setembro recibimos a visita dun Peregrín que viña agotado por un camiño misterioso. Nese camiño, atopouse cun fermoso castelo enfeitizado por unha bruxa, a bruxa Patuxa que ten atrapado a todos os habitantes do castelo. Na torre de homenaxe está encerrado un bufón real que pedía axuda ao noso peregrín. 

Como o peregrín non foi capaz de axudalo, o cabaleiro triste deulle un pergamino cunha mensaxe moi clara, entregala aos nenos e nenas de 5 anos do Seis do Nadal , eles saberían como axudalo.

Este é o pergamino e así é a malvada bruxa Patuxa

 

Así foi a visita do Peregrín e así imaxinamos ao noso bufón real.

ACTIVIDADES DO MES DE OUTUBRO

 Seguimos aprendendo cousas novas, descubrindo o que nos ofrece cada ambiente da aula e profundizando no mundo dos números e na táboa do 100, sudokus, puzles aumentando o número de pezas,  motricidade fina modelando con plastilina diferentes pratos de comida..

Percorremos a travesía que temos no patio, ao principio con algo de medo, pero pouco a pouco collemos mais seguridade.

Esta semana estamos a facer moitas cousas polo Samaín: portavelas do noso pantasma Nicolás e unha careta da bruxa Patuxa. Como conto da semana temos un conto moi divertido, titulado Guapa, estes días levarán a careta da protagonista deste conto. 

A VENDIMA

 Como sabedes, hai unha semanas foi tempo de vendima, e no Ceip Seis do Nadal quixemos vivir esa experencia e aprender moito sobre o tema.

O noso conserxe, Eloy, preparounos esta fantástica parra ou vide:

 

Aprendimos que a recollida de uvas chámase vendima e convertímonos en vendimadores e vendimadoras por un día. Trouxemos sombreiros de palla puxémonos mans a obra. 

Tamén tivemos tempo de petiscar uvas e probar tres variedades: de mencía, tintureiras e brancas.

As uvas foron agasalladas polos viñedos Hermanos Morte, pois encantoulles a idea de que nen@s tan pequenos foran a vivir esta experiencia. 

Aprendimos vocabulario novo:

-Acio de uvas: para referirse ao conxunto de uvas (brancas e negras)

- Pipote: onde botamos o zume de uva ou mosto e onde fermentará durante un tempo para convertirse en viño

- Tesoiras de podar: tesoiras especiais para cortalas uvas

- Adega: lugar onde almacénase grandes cantidades de viño

- Zume de uva: ou mosto que foi co que brindamos e probamos despois da "dura" vendima

E para rematar, un vídeo que resume toda a xornada de vendima, incluída a canción final que ensinounos a cantar a mestra do cole de 1º de primaria Carmen Pérez.

Agradecer tamén a mestra de Audición e Linguaxe, María por prepararnos o tríptico que levamos para a casa o venres coa información máis importante da xornada de vendima, cos pictogramas de Arasaac (Sistema Aumentativo e Alternativo de Comunicación) para facilitar a linguxe comunicativa dos nen@s, así coma recordar o vocabulario adquirido e ser capaces de trasmitilo ás familias de forma autónoma.